Ljósvakaljóð er stuttmyndahátíð fyrir 15 - 25 ára. Hátíðin er haldin í fjórða skipti í ár og unnin í samstarfi við dvoted.net, Reykjavíkurborg, Zik Zak Filmworks og Norræna húsið.

Ljósvakaljóð 2009 verða nú haldin fimmtudaginn 5. nóvember í Norræna húsinu. Dagskráin hefst kl. 17:30 með umræðum með þekktum innlendum kvikmyndagerðarmönnum og svo Pitch-keppni þar sem fólk getur viðrað kvikmyndahugmyndir sínar og fengið ráðleggingar fagaðila.

Sjálf stuttmyndakeppnin fer svo fram kl. 20 um kvöldið. Valdar verða 6-10 stuttmyndir úr innsendum myndum til að keppa um aðalverðlaunin, 50.000 kr. peningaverðlaun. Aðgangur ókeypis.

Fimmtudagurinn 5. nóvember í Norræna húsinu

17:30 Pitchkeppni, gagnrýni og umræður
20:00 Ljósvakaljóð; bestu stuttmyndir hátíðarinnar sýndar. Aðgangur ókeypis.
23:00 Verðlaunaafhending og slit Ljósvakaljóða 2009

Aldur: 15 - 25 ára
Stuttmyndalengd: Ekki lengri en 20 mín.
Handritslengd: Ekki lengra en 10 bls.
Verk ekki eldri en 2 ára.
Leyfi á ábyrgð þátttakenda

Ertu með góða hugmynd að kvikmynd, heimildamynd eða stuttmynd en hefur ekki ennþá náð að koma henni í verk? Pitch – hugmyndakeppni Ljósvakaljóða gengur út á það að þú mætir í Norræna húsið kl. 17:30 fimmtudaginn 5. nóvember og deilir hugmynd þinni. Þriggja manna nefnd fagaðila veitir gagnalegar athugasemdir og og velur bestu Pitch - hugmyndina. 5.000 kr verðlaun eru í boði fyrir bestu hugmyndina, dvoted.net USB-lykill og tölvutaska.

Þetta er þrælskemmtileg viðburður þar sem þú getur látið ljós þitt skína og fengið gagnlegar athugasemdir fyrir kvikmyndahugmyndina þína.

Komdu og láttu sjá þig á fimmtudaginn 5.nóv í Norræna húsinu!

Skil
Stuttmynd
Mynd skal hlaðið inn á vefinn dvoted.net

Handrit
Handrit skal sendast á ljosvakaljod@gmail.com

Upplýsingar á ljosvakaljod@gmail.com.

Skilafrestur
Mánudagurinn 2. nóvember

Þegar þú horfir á bíómyndir, hugsar þú stundum að þú hefðir getað skrifað miklu betra handrit sjálf/ur? Áttu ef til vill eitt slíkt (eða fleiri) ofan í skúffu sem þú hefur kirfilega læsta? Ef svo er ættir þú að kynna þér handritakeppni Ljósvakaljóða.

Í ár er bryddað upp á þeirri nýjung að gera keppendum hátíðarinnar fært að keppa sín á milli um besta stuttmyndahandritið. Handrit skulu ekki vera lengri en 10 blaðsíður.

Eftir sýningar stuttmyndahátíðarinnar þann 5. nóvember næstkomandi verður tilkynnt um besta frumsamda kvikmyndahandrit hátíðarinnar og verðlaun veitt fyrir það.

Láttu reyna á skáldgáfu þína og dragðu handritið upp úr skúffunni!

Skilafrestur fyrir handrit er mánudagurinn 2. nóvember og skal skila inn eintaki á ljosvakaljod@gmail.com ásamt almennum upplýsingum um höfund.